Shjówmen – Hringleikur Fjarðabyggð

Shjówmenn - sirkussýning um sjómennskuna - opinn viðburður í Sláturhúsinu og á Reyðarfirði. Einhvers staðar lengst úti á ballarhafi eru tveir sirkuslistamenn að reyna að veiða hugmyndir. Þeir kasta á milli sín fiskileifum, djöggl áhöldum, hvössum augnaráðum, veiðineti og ýmsu fleira, og enginn veit hvert förinni er heitið. Í nýsirkussýningunni Shjówmenn kynnumst við tveimur trúðum sem takast á við efnisheim og menningararf sjómennskunnar með sprúðlandi leikgleði sirkuslistanna. Sýningin hentar áhorfendum á breiðum aldri og notast takmarkað við talað mál. Höfundar: Bjarni Árnason og Nick Candy Flytjendur: Eyrún Ævarsdóttir/Nick Candy og Bjarni Árnason Framleiðsla: Eyrún Ævarsdóttir fyrir hönd Hringleiks Listræn ráðgjöf: Agnes Wild Hljóðmynd : Brett Smith