Foreldramorgunn - notaleg samverustund í Stapasafni

Foreldramorgnar alla mánudaga klukkan 10.30 í Stapasafni (Dalsbraut 11, Innri-Njarðvík).

Á foreldramorgnum geta foreldrar og ungbörn átt saman notalega stund í þægilegu umhverfi.

Boðið er upp á fræðsluerindi einu sinni í mánuði en hina dagana geta foreldrar mætt með börnin sín og spjallað og gluggað í bækur. Öll fræðsluerindin tengjast barnauppeldi og foreldrahlutverkinu á mismunandi hátt og leitast er eftir að hafa erindin fjölbreytt og endurspegla samfélagsumræðu dagsins í dag um uppeldi barna.

Hittingarnir eru ókeypis og öll hjartanlega velkomin!